Archif Newyddion
Nadolig Llawen gan Ysgol Llanbedrog!
|
Nadolig Llawen gan Ysgol Llanbedrog! 19/12/18 Cinio a Parti Nadolig
|
Diolch Anti Susan, Anti Iona ac Anti Rose am ginio 'dolig bendigedig heddiw. 14/12/18 Diwrnod Siwmperi NadoligLlwyddwyd i godi £55 tuag at Achub y Plant. |
14/12/18 Cronfa'r ParcHwre! Rydym hanner ffordd tuag at gyrraedd ein targed o £4000 i gael llawr newydd i'r parc. Llwyddwyd i gasglu £400 gyda'r ras trawsgwlad noddedig, £567 yn y Ffair Nadolig a £1036 yn ystod ein sioeau Nadolig yr wythnos yma. ANHYGOEL! Diolch o galon i bawb sydd wedi ein cefnogi hyd yn hyn!! |
07/12/18 Ffair Nadolig
|
Llwyddwyd i godi £567 yn y Ffair Nadolig eleni. Diolch anferth i'r holl deuluoedd am gefnogi ac i Martin a'r criw yng 29/11/18 Lluniau LlynCynnyrch menter diweddaraf y Cyfnod Sylfaen ar gael i'w prynu yn ein Ffair Nadolig neu archebwch yn yr ysgol. |
23/11/18 Bocsys Nadolig T4U
|
49 o focsys Nadolig yn barod i ddod a chyffro i blant bach Romania. Diolch i’r plant a ddaeth a bocs i’r ysgol. 23/11/18 Potel Ddwr Ysgol Llanbedrog
|
16/11/18 Plant Mewn Angen
|
Llwyddwyd i godi £150 i Blant Mewn Angen heddiw. Diolch am eich cefnogaeth! 14/11/18 Llyfr Tapas Pen Llyn
|
Menter diweddar disgyblion 5 a 6. Llyfr llawn, o glawr i glawr, o dapas blasus wedi eu gwneud hefo cynnyrch o'n milltir sgwâr, yma ym Mhen Llyn. 05/11/18 Pawen Lawen
|
Pawennau llawen Ysgol Llanbedrog yn helpu ymgyrch Aled Hughes. 13/11/18 Gwersi Beicio
|
Diolch yn fawr Paul ac Ifan am y gwersi beicio a llongyfarchiadau i ddisgyblion Bl 5 a 6 ar basio Lefel 1 a 2.25/10/18 P’nawn Iechyd Da
|
Diolch i ddisgyblion Blwyddyn 5a6 am drefnu p'nawn hwyliog i’n dysgu am gadw’n iach a diogel. Diolch i bawb a ddaeth draw, am eich cwmni a'ch cefnogaeth! 08/10/18 Logo Cyngor Ysgol
|
Y logo Cyngor Ysgol buddugol. Llongyfarchiadau!04/10/18 Run for Fun
|
Ras traws gwlad gwych yng Nglasfryn heddiw. Da iawn pawb! 03/10/18 Fferm Glynllifon
|
Bore gwerth chweil y cyfnod sylfaen ar fferm Glynllifon! 29/09/18 Macmillan
|
Diolch am eich cefnogaeth bore 'ma. Llwyddwyd i godi £220 tuag at Macmillan rhwng ein bore coffi a chasgliadau Flipside a Londis Llanbedrog. Gwych! 20/9/18 Cadw Cymru'n Daclus
|
Blwyddyn 5 a 6 yn casglu sbwriel o gwmpas y parc, hefo Cadw Cymru’n Daclus.
04/07/18 Pêl droed a Rownderi
|
Twrnament pêl droed a rownderi yn Ysgol Edern. Llongyfarchiadau i'r tîm pêl droed am ddod yn ail. Diolch Ysgol Edern am y croeso!03/07/18 Aberdaron
|
Diolch Mared, Catrin, Lily ac Alex am brofiadau difyr ac hwyliog ym Mhorth y Swnt ac Aberdaron ddoe, yn trafod Baled Largo a phroblem llygredd y mor.25/06/18 Llongyfarchiadau Cwmwd!!
|
Enillwyr Mabolgampau Ysgol Llanbedrog 2018!25/06/18 Mabolgampau / P'nawn Hwyl Fawr
|
Prynhawn bendigedig yn y Mabolgampau! Da iawn blant! 22/06/18 Codio 5 a 6Bu disgyblion bl 5 a 6 yn cystadlu yng nghystadleuaeth codio blynyddol Coleg Meirion Dwyfor Pwllheli. Diwrnod gwerth chweil! |
21/06/18 Wythnos Cymru Cwl - Snwcer
|
Diolch o galon i Peter Williams 'Cue Games for Schools' a ddaeth atom i sgwrsio am y gêm a'i lwyddiant yng Nghymru. Diolch hefyd am y bwrdd i'r plant!21/06/18 Wythnos Cymru Cwl - Criced Cymru
|
Llongyfarchiadau mawr iawn i'r tîm criced a gyrhaeddodd y rownd gyn derfynol heddiw! Rydym mor falch o'r ddau dîm am ddangos brwdfrydedd a chwrteisi arbennig! Ardderchog blantos!20/06/18 Wythnos Cymru Cwl - Sesiwn Rygbi
|
Diolch o galon i Jessica Kavanagh Williams, 'Chwaraeon Am Oes' am sesiwn ymarfer rygbi gwerth chweil.20/06/18 Wythnos Cymru Cwl - Eisteddfod Ddawns
|
Perfformiadau gwerth chweil gan y plant yn yr Eisteddfod Ddawns eto eleni! 19/06/18 Wythnos Cymru Cwl - Eisteddfod Ysgol
|
Unwaith eto eleni, cawsom eisteddfod wefreiddiol a diwrnod i'w gofio. Diolch i'r holl feirniaid am eu gwaith caled, Mared Owen - 18/06/18 Wythnos Cymru Cwl - Eisteddfod Goginio
|
Eisteddfod goginio lwyddiannus iawn eto eleni. Diolch am eich cefnogaeth. 18/06/18 Wythnos Cymru Cwl - Alun Tan Lan
|
Agoriad ysbrydoledig i Wythnos Cymru Cwl! Diolch i Alun Tan Lan am brofiadau gwirioneddol wych a chreadigol i'r disgyblion. Pawb wedi mopio efo'r iwcalelis! 14/06/18 Diwrnod Cacennau
|
Casglwyd £67.20 tuag at elusen Alzheimer's Society! Diolch am eich cefnogaeth! 13/06/18 Llwybr yr Arfordir
|
Diwrnod bendigedig yn cerdded llwybr yr arfordir gyda Iwan Hughes yn ein tywys ac yn ein diddori gyda hanes Solomon Andrews. 03/06/18 Glan Llyn
|
Dyma ychydig luniau o amser blwyddyn 5 yng Nglan Llyn. 21/05/18 Trip Caerdydd
|
Mwynhaodd disgyblion blwyddyn 6 dridiau i'w gofio yng Nghaerdydd yr wythnos hon, tridiau llawn dop o weithgareddau difyr a bythgofiadwy.17/05/18 NSPCC
|
Y plant wedi mwynhau ac wedi dysgu llawer yn y gweithdai gan yr NSPCC.09/05/18 Sw Môr
|
Diwrnod gwerth chweil y Cyfnod Sylfaen yn Sw Môr! 06/05/18 Gwyl Fai
|
Diolch anferthol i bawb a gyfrannodd mewn unrhyw ffordd i'r diwrnod dathlu Gwyl Fai. Cawsom ddiwrnod gwerth chweil yn yr haul braf, gan godi £1,075 o elw, i'w rannu rhwng Cylch Meithrin ac Ysgol Llanbedrog, £537.50 bob un. Gwych! Gwerthfawrogwn eich cefnogaeth yn fawr. 27/04/18 Lori Ni
|
Y plant yn mwynhau edrych ar lyfrau yn Lori Ni bore 'ma.23/04/18 Plas Menai 2018
|
Cafodd blwyddyn 3 a 4 amser gwych yn cymryd rhan mewn gweithgareddau awyr agored ym Mhlas Menai.23/04/18 Gala Nofio 2018
|
Cymryd rhan yn y Gala Nofio.23/04/18 Tîm Pêl droed yr Urdd 2018
|
Dyma dîm Pêl droed yr Urdd
26/03/18 Y Cit Chwaraeon Newydd
|
Hwre! Mae'r cit wedi cyrraedd ar ôl hir ymaros a phawb wedi gwirioni yn lân. Mae'r lluniau yn dweud y cyfan! Diolch o galon i'r disgyblion a lwyddodd i godi £820!! Dipyn o gamp! Diolch anferth hefyd i Iolo Evans, Garej Glanafon Abersoch a Danial Parri Jones y Trydanwr am eu cyfraniad hael. Mae edrych ymlaen mawr i gael eu gwisgo ac edrych yn smart yn y twrnament nesaf.26/03/18 Mei Mac
|
Cafodd plant Blwyddyn 5a6 brofiad a hanner wrth fynd yn ol mewn amser hefo'r Prifardd Mei Mac i ddisgrifio dylanwad Solomon Andrews ar yr ardal leol, ganrif a mwy yn ol. Diolch i ANHE am noddi'r gweithdy.02/03/18 Diwrnod Y Llyfr
|
01/03/18 Dydd Gŵyl DewiDiwrnod gwych yn dathlu Dydd Gŵyl Dewi. Llwyddwyd i godi £35.60 tuag at yr elusen Marie Curie. Cliciwch yma i weld y fideo. |
26/01/18 Ymarfer Cylchol Noddedig y Cyfnod Sylfaen
|
Diolch anferth i Huw o'r Ganolfan Hamdden am baratoi sesiynau gwerth chweil i'r plant. Llwyddwyd i god £820! Gwych! Diolch am gefnogi! 25/01/18 Diwrnod Hoffi'r Parêd
|
19/01/18 Ymarfer Cylchol Noddedig
|
Gweithiodd CA2 yn galed yn y Ganolfan Hamdden i godi arian tuag at y cit a'r adnoddau chwaraeon newydd. Da iawn chi! 05/01/18 Athletau
|
Llongyfarchiadau i'r tîm athletau ddaeth yn drydydd yn y gystadleuaeth heddiw! Da iawn chi!
15/12/17 Diwrnod Siwmperi Nadolig
|
12/12/17 Santa ar Streic
|
Sioe Nadolig wych gan y Cyfnod Sylfaen. Da iawn chi!04/12/17 Plas yn Rhiw
|
Antur y Cyfnod Sylfaen yng nghoedwig Plas yn Rhiw. 17/11/17 Plant Mewn Angen
|
Diwrnod gwych yn codi arian at apêl Plant mewn Angen. Llwyddwyd i godi £159. Diolch am gefnogi.Pleser oedd cael croesawu Aled Hughes a Pydsi i'r ysgol heddiw. Pob lwc i Aled fydd yn gorffen ei daith feicio ym Mangor p'nawn 'ma. 17/11/17 Bocsys Nadolig T4U
|
38 o focsys Nadolig yn barod i ddod a chyffro i blant yn Nwyrain Ewrop. Diolch i'r disgyblion a ddaeth a bocs i'r ysgol. 16/11/17 Amgueddfa Lechi Llanberis
|
Cafodd blwyddyn 3 a 4 ddiwrnod bendigedig yn mynd yn ôl mewn amser i Oes Fictoria yn yr Amgueddfa Lechi yn Llanberis.30/10/17 Caffi Darllen
|
Caffi Darllen cyntaf gwerth chweil. Diolch am eich cefnogaeth. Cofiwch fod y Caffi nesaf am 3.30, Tachwedd y 9fed. Dewch yn llu! (Blwyddyn 3 i 6) 11/10/17 Llyfrgell
|
Cafodd plant blwyddyn 1 a 2 amser gwych yn y llyfrgell ym Mhwllheli yn gwrando ar yr awdures Bethan Gwanas yn darllen ei straeon.29/09/17 Zumba
|
Diolch 28/09/17 MacMillan
|
Diolch am eich cefnogaeth bore 'ma! Bore coffi llwyddiannus iawn. Casglwyd £201.78 tuag at Macmillan. Gwych!26/09/17 Diwrnod Ieithoedd Ewropeaidd
|
Diwrnod Ieithoedd Ewropeaidd
19/07/17 P'nawn Hwyl Fawr
|
Dyma ychydig luniau o'r P'nawn Hwyl Fawr ddoe. Diolch am eich cefnogaeth. 18/07/17 Priodas Ffug
Bore bendigedig yn dathlu priodas Archie a Hattie. Diolch i staff y gegin am ginio rhost gwerth chweil ac i Anti Paula am gacen briodas flasus.
17/07/17 Fferm Gwningod
|
Trip y Cyfnod Sylfaen i'r Fferm Gwningod. 11/07/17 Pêl droed a Rownderi
|
Da iawn blwyddyn 5a6 am roi o'ch gorau yn y twrnament pêl droed a rownderi dalgylch yn Edern heddiw. Llongyfarchiadau mawr i'n tim pel droed a ddaeth yn ail!10/07/17 Gweithdy Celf Catrin Williams
|
Bu plant blwyddyn 2, 3 a 4 yn brysur gyda'r artist Catrin Williams yn creu baner i groesawu baton Gemau'r Gymanwlad i Bwllheli.06/07/17 Trip y Cyfnod Sylfaen
|
P'nawn bendigedig y Cyfnod Sylfaen ar draeth Llanbedrog. 06/07/17 Gwibdaith leol CA2
|
Taith CA2 ar hyd llwybr yr arfordir i Borth Ceiriad.06/07/17 Wythnos Cymru Cwl - Dewi Pws
|
Diolch Dewi Pws am ddod i'r ysgol i ganu efo ni!05/07/17 Eisteddfod Ysgol
Cafwyd gwledd o gystadlu yn Eisteddfod yr Ysgol yn ganu, llefaru, dawnsio ac eitemau offerynnol. Diolch o galon i'r holl feirniaid a fu'n brysur yn ein cynorthwyo i wneud yr eisteddfod yn un fythgofiadwy, Catrin Parry, cerdd, Mared Llywelyn, llefaru, Shari Pollit, dawnsio. Penri Jones, llenyddiaeth, Dafydd Nant, ffotograffiaeth, Selina, celf a staff Plas Glyn y Weddw am feiriniadu'r coginio. Roedd y plant yn werth eu gweld a'u clywed yn perfformio eu gorau glas i'w tai, Cwmwd, Henllys a Pedrog ond Cwmwd oedd y ty buddugol eleni gyda Henllys a Pedrog yn gydradd ail. Llongyfarchiadau mawr blantos!
23/06/17 NSPCC
|
Neges bwysig i'r plant bore 'ma gan aelodau'r 22/06/17 code.org
|
Cafodd Blwyddyn 5 a 6 ddiwrnod gwerth chweil yn y gystadleuaeth 19/06/17 Tess Urbanska CA2
|
15/06/17 Archifdy
Cliciwch yma i weld mwy o lluniau |
Cafodd plant blwyddyn 1 a Derbyn fore difyr yng nghwmni Mrs Gwenda Williams o’r Archifdy yng Nghaernarfon. Daeth Mrs Williams ac amrywiaeth o hen luniau o Ben Llyn a hen deganau diddorol i ddangos i’r plant.15/06/17 Myrddin ap Dafydd
Cliciwch yma i weld mwy o lluniau |
Bu’r ysgol gyfan yn brysur yn barddoni gyda’r bardd Myrddin ap Dafydd ddoe. Gweithdy barddoni gwerth chweil! Rydym yn edrych ymlaen i arddangos cerddi’r plant o amgylch yr ysgol. Diolch!14/06/17 Tess Ursbanka
Cliciwch yma i weld mwy o lluniau |
Bu plant y Cyfnod Sylfaen yn greadigol iawn yr wythnos yma wrth weithio yn ddyfal i greu murluniau arbennig. Llawer o ddiolch i'r arlunydd Tess Urbanska am ei hamser. Bydd hi'n ymuno a ni eto Ddydd Llun i weithio gyda CA2, cofiwch eich hen ddillad!14/06/17 Hwylio Blwyddyn 5
|
24/05/17 Hwylio
|
Cafodd bl6 ddiwrnod bendigedig ym Mhlas Heli yn hwylio.23/05/17 Hoci a Rygbi
Cliciwch yma i weld mwy o lluniau |
Diwrnod gwych yn chwarae hoci a rygbi plant Blwyddyn 5a6 Dalgylch Botwnnog. Diolch Miss Evans am drefnu!22/05/17 Nant Gwrtheyrn
|
12/05/17 Gala Nofio
|
Da iawn blantos am wneud mor dda yn y Gala Nofio heddiw! Gwych!09/05/17 @ebol
|
Diwrnod gwych yn gwrando ar straeon, creu straeon a chael cyflwyniad o apiau newydd Atebol. 02/05/17 Ymweliad Beth
|
Daeth ffrind newydd i'r ysgol bore 'ma, Beth yr oen bach. Roedd yn brofiad gwych i'r plant gael ei chyfarfod a chael dysgu am y tymor wynau. Diolch o galon Mrs Allen am ddod a hi i'n gweld. 01/05/17 Gwyl Fai
|
Cawsom ddiwrnod bendigedig yn dathlu'r wyl â'r plant a'u teuluoedd i gyd wrth eu boddau gyda'r holl weithgareddau arbennig. Diolch i bawb a fu mor brysur yn trefnu ac i bawb a ddaeth i'n cefnogi. Roedd hi'n braf cael cyfle i gymdeithasu gyda chriw y Cylch Meithrin a'r gymuned leol. Ac i goroni'r cyfan casglwyd dros £2200. Gwych! 28/04/17 Dawns Y Fedwen
|
Llawer o ddiolch i Sandy Davenport am ei hamser yn dysgu Dawns y Fedwen i'r plant i'w paratoi at yr wyl.07/04/17 Banc Bwyd Pwllheli
|
Mae'r bwyd bellach ar ei ffordd i'r banc ym Mhwllheli, gyda Millie a'i mham a fydd yn gwirfoddoli yno ddwy waith yr wythnos. Da iawn Millie am gael syniad mor wych i helpu eraill. Diolch i bawb am gefnogi.07/04/17 Cystadleuaeth Fferyllwyr Llyn
|
Da iawn chi genod am ddod yn fuddigol yng nghystadleuaeth y Pasg Fferyllwyr Llyn.07/04/17 Modelau Blwyddyn 2
|
Mae dosbarth blwyddyn 2 wedi bod yn andros o brysur adref yn creu modelau gwych o'r Goedwig Law. Mae llawer o amser ac ymdrech wedi mynd i'w creu. Mae nhw yn werth i'w gweld! Da iawn chi blant!! 05/04/17 Banc Bwyd Pwllheli
|
Diolch o galon i bawb sydd wedi cefnogi'r Banc Bwyd. Mae dal cyfle i chi gyfrannu cyn i'r bwyd gael ei gludo i Bwllheli fore Gwener. Diolch eto!30/03/17 Codio
|
Rydym wedi bod yn cydweithio gyda Coleg Meirion Dwyfor i ddysgu mwy am godio mewn TGCh. 30/03/17 Na Nel!
|
Daeth yr awdures Meleri Wyn James i drafod ei nofel newydd Na Nel! 29/03/17 Plas Menai
|
Treuliodd blynyddoedd 3 a 4 ddeuddydd gwerth chweil ym Mhlas Menai yn beicio mynydd, caiacio, dringo a nofio. Cafwyd cwmni difyr disgyblion Ysgol Edern a chael cyfle i wneud ffrindiau newydd. Deuddydd i'w gofio. 28/03/17 Clwb Cwmwd
|
Dyma'r plant wrth eu boddau gyda'r rhieni p'nawn ddoe yn gwneud crefftau yng Nghlwb Cwmwd. Diolch! 24/03/17 Trwynau Coch
|
Diwrnod gwallgof gyda'r plant yn gwisgo welingtons a gwalltiau gwirion i'r ysgol i godi arian tuag at Comic Relief. Bu'r cyngor ysgol yn brysur yn gwerthu trwynau coch ar y stondin. Diolch am eich cefnogaeth. 22/03/17 Clwb Cwmwd
|
Diolch o galon i'r rhieni a fu'n brysur neithiwr gyda'r plant yn casglu deunyddiau naturiol ar draeth Llanbedrog. Mae'r plant yn edrych ymlaen yn ofnadwy at y clwb nesaf i gael eu defnyddio i greu crefftau.09/03/17 Pêl Rwyd
|
Rydym yn falch iawn o'r tîm pêl rwyd am wneud mor dda yn y gystadleuaeth yng Nghanolfan Hamdden Glaslyn. Da iawn chi!09/03/17 Cwmni'r Fran Wen
|
Cafodd CA2 berfformiad gwerth chweil gan gwmni'r Fran Wen o'r sioe Sigl-di-gwt. Hanes a thrafferthion teulu bychan yn ystod y rhyfel.02/03/17 Diwrnod y Llyfr
|
Diwrnod llawn hwyl a sbri yn yr ysgol heddiw wrth ddathlu Diwrnod y Llyfr. Y Cyngor Ysgol wedi bod yn brysur yn gwerthu llyfrau ail law ar y stondin, a'r ysgol gyfan yn modelu eu gwisgodd gwerth chweil ar y 'catwalk'. Diolch am y llyfrau ail law. 01/03/17 Dydd Gwyl Dewi
|
Diolch i'r plant am gyngerdd gwefreiddiol i'w gofio bore 'ma. Da iawn chi blantos! Roedd pawb werth eu gweld yn eu gwisgoedd Cymreig. Dydd Gwyl Dewi Hapus i chi gyd! 28/02/17 Dydd Mawrth Ynyd
|
P'nawn hwyliog yn dysgu am Ddydd Mawrth Ynyd, coginio a bwyta crempogau.16/02/17 Cyngor Ysgol
|
Hoffai'r Cyngor Ysgol ddiolch i Mrs Angela Russell am y rhoddion o dlysau llechi hyfryd i aelodau'r Cyngor Ysgol, rhoddion i'w trysori am byth! 14/02/17 Ailgylchu
|
Daeth Gwenllian Roberts at y Cyfnod Sylfaen i sgwrsio am bwysigrwydd ailgylchu. 14/02/17 Gwersi Sbaeneg
Cawsom fore o ddysgu Sbaeneg yng nghwmni Mared Gwyn o Lanbedrog. Erbyn diwedd y bore roedd pawb yn cyfarch a chyflwyno eu hunain yn hyderus mewn Sbaeneg. Gracias Mared!
13/02/17 Gwasanaeth y Parchedig Andrew Jones
|
Cawsom wasanaeth difyr ble bu'r plant yn dysgu am liwiau gwahanol yr eglwys gyda'r Parchedig Andrew Jones. 13/02/17 Dewi Pws
|
Cawsom fore llawn hwyl a sbri yn yr ysgol pan ddaeth Dewi Pws heibio i baratoi am y pared Gwyl Dewi. Bu'r plant yn morio canu ei gân arbennig 'Dewi Sant' gydag ef ar y banjo. Diolch yn fawr Dewi Pws! 08/02/17 Yr Eglwys
|
Cafodd plant y Cyfnod Sylfaen b'nawn difyr yn eglwys Llanbedrog Dydd Mercher gyda'r Parchedig Andrew Jones. Roedd y plant wrth eu boddau yn cael dysgu am wahanol nodweddion yr eglwys a chael cyfle i ganu'r gloch. Diolch yn fawr Mr Jones am y croeso. 12/01/17 Tan y Bwlch
|
Mwynhaodd plant blwyddyn 5a6 ddeuddydd prysur, llawn hwyl ym Mhlas Tan y Bwlch. Aethom am dro ar hyd yr afon ym Meddgelert at y cerflun a thrafod y chwedl. Buom yn casglu cerrig ar draeth Cricieth gan ymchwilio i batrwm a maint y cerrig. Cawsom hefyd gyfle i ddysgu mwy am y bardd enwog Hedd Wyn ar ddiwrnod ei benblwydd, cyn treulio prynhawn difyr yng Nghastell Harlech.
16/12/12 Diwrnod Siwmperi Nadolig
|
Talodd y plant £1 i ddod i’r ysgol yn eu siwmperi Nadolig heddiw er mwyn codi arian tuag at Achub y Plant.15/12/16 Ymweliad Sion Corn
|
Daeth dyn arbennig i weld y plant p’nawn Mercher, ar ôl cinio Nadolig bendigedig gan staff y gegin. Roedd y plant wedi gwirioni yn lân. 15/12/16 Sioe Nadolig Cyw
|
Mwynhaodd plant y Cyfnod Sylfaen eu anrheg Nadolig sef trip i Ysgol Glan y Môr i weld Sioe Cyw. Roedd yn b’nawn i’w gofio!14/12/16 Sioe Coleg Meirion DwyforMwynhaodd plant CA2 eu anrheg Nadolig sef trip i Neuadd Dwyfor i weld cynhyrchiad gwych Coleg Meirion Dwyfor o’r sioe Gwrach-od. Roedd yn b’nawn i’w gofio! |
12/12/16 Nadolig yn y Ty Brics
|
Cawsom berfformiad gwych o sioe ‘Nadolig yn y Ty Brics’ gan plant y Cyfnod Sylfaen. Da iawn chi!!06/12/16 Hen wr Doeth y Lleuad
|
Yn sioe Nadolig cyfnod allweddol 2 roedd ‘Hen Wr Doeth Y Lleuad yn edrych i lawr ar ein byd ni ac yn synnu wrth weld yr hyn oedd yn digwydd ar ein planed. Ar frys, dilynodd Serena’r seren wib er mwyn blasu’r cyfan drosto ei hun gan lanio ar ein daear . Profodd newyn a thlodi ar un llaw a phrysurdeb a hapusrwydd yr wyl ar y llaw arall. Maes o law dargafyddodd yr hen wr doeth a’i ffrindiau wir ystyr y Nadolig. Dyma sioe oedd yn wledd i’r glust a’r llygaid, sioe a lwyddodd i’n tywys o’r llon i’r lleddf.28/11/16 Bocsys Nadolig 2016
|
Mae'r plant wedi bod yn brysur yn llenwi 33 o focsys nadolig er mwyn cefnogi elusen T4U. Mae'r bocsys yn cael eu cludo yr holl ffordd i Ddwyrain Ewrop i sicrhau fod pob plentyn yn cael nadolig llawen! Diolch i'r plant a ddaeth a bocs i'r ysgol.22/11/16 Ymweliad PC Owen
|
Bu PC Owen yn yn siarad gyda disgyblion blynyddoedd 3 a 4 ar y thema 'Cerrig a Ffyn' gan eu dysgu am bwysigrwydd caredigrwydd a pharch at eraill. Cafodd blynyddoedd 5 a 6 gyfle i drafod ymddygiad gwrthgymdeithasol, a gyda help llaw Tarian y Ddraig bu plant y Cyfnod Sylfaen yn dysgu ble sydd yn ddiogel i chwarae. 18/07/16 Plant Mewn Angen
|
Cafodd y plant ddiwrnod llawn hwyl yn eu pyjamas heddiw a bu'r Cyngor Ysgol yn brysur yn gwerthu cacennau ar eu stondin amser chwarae. Llwyddwyd i godi £101 at apel Plant Mewn Angen. Diolch i bawb am gefnogi. Cliciwch yma am fwy o luniau. 12/11/16 Gwyl Gerdd Dant
Pob lwc i'r parti sydd yn cystadlu yn yr wyl Gerdd Dant ym Mhlas Heli y fory.
10/10/16 Gwasanaeth Nia Coleg y Bala
Cafwyd gwasanaeth arbennig gan Nia Coleg y Bala gyda rhai o'r disgyblion yn cymryd rhan. Cliciwch yma i weld lluniau
10/10/16 Rygbi gyda David Martin
Bu plant blwyddyn 4,5 a 6 yn mwynhau gwersi rygbi David Martin o Glwb Rygbi Pwllheli. Bydd y gwersi yn parhau am ychydig wythnosau. Cliciwch yma i weld lluniau
05/10/16 Taith Gerdded
Taith Gerdded Cyfeillion Ysgol Llanbedrog
Nos Iau, Hydref 13 am 5:30
05/10/16 Croeso i flwyddyn addysgol newydd yn Ysgol Llanbedrog!
Croeso i flwyddyn addysgol newydd yn Ysgol Llanbedrog! Mae 79 o blant ar ein cofrestr flwyddyn hon, gan gynnwys 11 plentyn bach newydd yn y dosbarth Meithrin. Rydym yn falch o ddweud fod pawb wedi setlo yn arbennig o dda i drefn yr ysgol, a hynny o dan amgylchiadau mwy heriol na’r arfer, o gwmpas y gwaith adeiladu! Yn ogystal, croesawn athrawes Cyfnod Sylfaen newydd, Mrs Sian Elfryn at ein tîm.
Mae dau ddosbarth newydd wedi dymchwel a’u hail-adeiladu dros yr haf ac werth eu gweld. Mae’r Neuadd, yr ystafelloedd sy’n arwain o’r Neuadd a’r estyniad newydd yn datblygu yn dda. Edrychwn ymlaen at gael eich croesawu chi i gyd i weld ein hysgol newydd yn y dyfodol agos! Mae’n adeg cynhyrfus iawn yma!!
01/09/16 Dyddiad Cychwyn y Tymor Newydd i Ddisgyblion
O ganlyniad i waith adeiladu sylweddol, bydd y disgyblion yn dychwelyd i'r ysgol ddydd Iau, Medi 8fed. Diolch.
15/07/16 Ynys Enlli
|
Treuliodd plant Blwyddyn 5a6 ddiwrnod i’r brenin ar Ynys Enlli yn ddiweddeddar. Dyma ymweliad cyntaf amryw o’r plant â’r ynys a chawsom fodd i fyw yn mwynhau gwefr y teithiau ar gwch melyn Colin, dysgu am hanes a bywyd gwyllt yr ynys gyda swyddogion addysg yr Ymddiriedolaeth a Mr Elfed Gruffydd,crwydro o gwmpas i weld y goleudy, ysgol, tai, capel ac ati a chwrdd â’r degau o forloi swnllyd oedd yn torheulo ar y creigiau! Mae’r lluniau yn dweud y cyfan! 14/07/16 Trip Gelli Gyffwrdd
|
Mwynhaodd plant blwyddyn 2,3,4,5 a 6 ddiwrnod gwych o antur a sbort yn Gelli Gyffwrdd.05/07/16 Cystadleuaeth Bwgan Brain
|
Cynhaliwyd cystadleuaeth creu bwgan brain gan Gyfeillion Ysgol Llanbedrog a cawsant eu beirniadu gan yr artist, Elin Huws, ar ddiwedd ein mabolgampau ysgol. Difyr iawn oedd gweld yr holl fersiynau gwahanol, pob un yn arbennig, gyda chymeriad ei hun! Llongyfarchiadau i Sion Williams a ddaeth yn fuddugol gyda’i glamp o fwgan brain. Enillodd docynnau anrheg Petal a Pot a’r Den. 06/07/16 Trip Fferm y Foel
|
Eleni fe aeth plant y Cyfnod Sylfaen ar drip i Fferm y Foel Sir Fon. Yno bu'r plant yn bwydo'r anifeiliaid gwahanol ac yn mwynhau trip traws gwlad ar y 'quad' a thu ôl i'r tractor.01/07/2016 Mewn Cymeriad
|
I ddathlu Canmlwyddiant geni Roald Dahl fe ddaeth Alf i'n diddanu gyda detholiad byw o bump o lyfrau adnabyddus yr awdur enwog. Cawsom fore llawn hwyl a chwerthin gan ddefnyddio ein dychymyg i ddod a cymeriadau y straeon yn fyw. 24/06/2016 Gemau Buarth a Rhigymau Sgipio
|
Gemau buarth a dysgu rhigymau oedd i gloi Wythnos Cymru Cwl yn Ysgol Llanbedrog, pawb yn mwynhau chwarae gemau traddodiadaol er mwyn cadw yr iaith yn fyw. 23/06/2016 Disgo Cwl Cymru!
|
Cawsom brynhawn gwych o gerddoriaeth Gymraeg ddoe, dawnsio disgo a dawsnio gwerin! Roedd miwsic Meic Stephens, Frizbee, Patrobas, Y Chwedlau, Bryn Fon, Mirain Evans a Gwibdaith Hen Fran i'w clywed dros y Neuadd a phawb wrth eu boddau! Daeth Gaelle draw yn y bore i beintio gwynebau disgyblion y Cyfnod Sylfaen yn barod at y disgo. Roedd pawb yn edrych yn ffantastic!! 22/06/16 Wythnos Cymru Cwl - Patrobas
|
Prynhawn arbennig yn llawn hwyl a chanu yng nghwmni Patrobas! Roedd pawb wrth eu boddau yn canu alawon Cymreig, diolch yn fawr i Iestyn, Wil a Gruff am ein diddori. Llongyfarchiadau mawr i Iestyn ar ennill Coron Eisteddfod Yr Urdd Y Fflint! Roedd y goron werth ei gweld, diolch am ddod a hi i ddangos! 21/06/2016 Wythnos Cymru Cwl - Mari Gwilym
|
Am fore llawn hwyl! Daeth Strempan i'n gweld!!!! Hi Hi!!! Cawsom sesiwn stori gyda Mari Gwilym, dywedodd hanesion di-ri a darllenodd stori Corwynt i ni. Am hwyl!! Mae'n braf gweld bod storiau Gwlad y Rwla yn parhau i fod gymaint o hwyl hyd heddiw a hwythau wedi eu cyhoeddi gyntaf 33 o flynyddoedd yn nol! Y clasuron yw'r gorau!! 21/06/2016 Wythnos Cymru Cwl - Morgan Jones Sgorio
|
Fel rhan o'n dathliadau Wythnos Cymru Cwl daeth Morgan Jones cyflwynydd y rhaglen Sgorio ar S4C i'r ysgol i siarad am ei yrfa a sawl drws mae'r iaith Gymraeg wedi agor iddo ar hyd y blynyddoedd. Cawsom weld lluniau arwyr byd peldroed a oedd wedi eu cyfarfod ar hyd y blynyddoedd, sêr fel David Beckham, Ronaldo a Gareth Bale. Dywedodd wrth bawb bod dilyn eich breuddwydion pan yn blant yn eich arwain i yrfa yr ydych wir yn ei fwynhau. 20/06/2016 Wythnos Cymru Cwl - Pel droed gyda Barry Evans
|
Cawsom ymarfer ein sgiliau pel droedio dan arweiniad rheolwr tîm ieuenctid Pwllheli Barry Evans yn y Ganolfan Hamdden ar brynhawn cynhyrfus o flaen gêm cymru yn erbyn Rwsia. Cafodd pawb fodd i fyw yn cicio, driblo a sgorio! Pwy a wyr, efallai y bydd aelodau tîn Cymru y dyfodol yn ein plith!
#gyda'ngildd #Euro2016 20/06/2016 Wythnos Bwyta'n Iach
|
Fel rhan o weithgareddau Wythnos Bwyta'n Iach mae plant y Cyfnod Sylfaen wedi bod wrthi yn brysur yn dysgu am y blas bwyd a chael balans o fwydydd i greu diet cytbwys. Cafodd pawb brynhawn difyr yn dysgu am wahanol ffrwythau a chreu cebabs ffrwythau lliwgar a oedd werth eu gweld. Daeth Anti Susan atom hefyd i ddangos i ni sut i wneud bara, a cawsom hwyl yn tylino cyn siapio y does i greu bara diddorol iawn. 13/06/2016 Hwylio
Cliciwch yma am fwy o luniau |
Mehefin 8fed, 2016 - Diolch i Ken, Nicholas a Chloe o CHIPAC cafodd deg o blant bwlyddyn 5a6 ddiwrnod i’w gofio yn hwylio yn Glandon, Pwllheli. 13/06/16 Glanllyn Blwyddyn 5
Mwynhaodd plant Blwyddyn 5 dri diwrnod a dwy noson llawn hwyl, cyffro ac antur yng Nghwersyll yr Urdd Glanllyn rhwng Mehefin 6-8 yng nghwmni ffrindiau newydd o Ysgol Pentreuchaf ac Ysgol Nefyn.
Cliciwch yma i weld y luniau
13/06/16 Trip Caerdydd Blwyddyn 6
Cliciwch yma am fwy o luniau |
Wel dyma drip i’w gofio; tri diwrnod llawn o brofiadau gwych a llawer iawn o hwyl (Mai 16-18 2016). Cychwynom am 8:30 for Llun, yng nghwmni plant Blwyddyn 6 Ysgolion Pentreuchaf, Nefyn, Sarn Bach a Chwilog a chyrhaeddom yn ôl yn hapus, ond blinedig ar y nos Fercher. Yn ystof y trip cawsom flas go iawn o’n prifddinsa drwy ymweld â’r nofio, ymweld â senedd Cymru, Techniquest, Stadiwm y Principality/Mileniwm, Amgueddfa Genedlaethol, sinema, lle bowlio, bwyta Strada, ymweld â chanol y ddinas (stryd a siopau, marchnad Caedrydd, castell …) yn ogysal â mynd am drip mewn cwch cyflym yn y Bae. Roedd werth mynd yr holl ffordd! Roedd yn drip i’w gofio ar ddiwedd cyfnod Blwyddyn 6 yn yr ysgol gynradd.10/06/2016 Y Parc
Cliciwch yma am fwy o luniau |
Fel rhan o waith daearyddiaeth y tymor, fe fu blynyddoedd 3 a 4 yn ymgymeryd â gwaith maes ym mharc y pentref. I ddechrau rhaid oedd gwneud arolwg sbwriel yn y parc gan fynd ati wedyn i ysgrifennu llythyr at y cynghorydd lleol i ddatgan ein pryderon am gyflwr y parc. Yn dilyn hyn, ymunodd y cynghorydd Angela Russell â ni a Chadw Cymru’n daclus i lanhau y parc. Derbynom ateb drwy lythyr gan y Cyngor Cymuned. Aethpwyd ati greu posteri newydd i annog y cyhoedd i ofalu am y parc. Roedd y posteri yn werth eu gweld ym mharc y Pentref.10/06/2016 Plas Menai
Cliciwch yma am fwy o luniau |
Fe dreuliodd blynyddoedd 3 a 4 ddau ddiwrnod llawn antur ym Mhlas Menai fis Ebrill 21ain a 22ain. Cafodd pawb gyfle i ddringo, caiacio, hwylio, canwio a rhwyf fyrddio yn sefyll. Roedd pawb wedi blino’n lân ar ôl dau ddiwrnod bythgofiadwy!10/06/2016 Coleg y Bala
Cliciwch yma am fwy o luniau |
Roedd dathlu gwyl y Pasg yng Ngholeg y Bala yn brofiad arbennig iawn. Cyflwynwyd neges y Pasg drwy chwarae rôl digwyddiadau allweddol y stori megis y swper olaf, gardd Gethsemane, y croeshoeliad a’r atgyfodiad. Roedd y croeso yng Ngholeg y Bala yr un mor gynnes a chroesawys ag erioed.16/05/2016 Sgiliau Nofio
|
Llongyfarchiadau i bawb sydd wedi derbyn tysgysgrif am eu Sgiliau Nofio.Y Den
Cawsom y fraint o fynd i'r Den ym Mhwllheli cyn i'r ardal chwarae meddal agor yn swyddogol i'r cyhoedd. Cafodd pawb brynhawn ffantastig yn gwibio i lawr y llithren, yn neidio mewn i'r pwll peli a drigo drwy dwneli a rhwydi gwahanol. Roedd pawb yn chwys domen ac yn wên o glust i glust.
Diolch yn fawr iawn i staff y Den am y cyfle a dymunwn pob llwyddiant yn y fenter newydd. Cliciwch yma i weld y lluniau
03/03/2016 Diwrnod Y Llyfr
Cliciwch yma am fwy o luniau |
Roedd hi yn ddiwrnod y Llyfr yn Ysgol Llanbedrog heddiw! Daeth pawb i’r ysgol wedi gwisgo fel cymeriadau o lyfrau darllen. Roedd pawb yn edrych werth chweil. Cawsom hwyl yn tynnu hunluniau gyda llyfrau, edrychwch ar ein cyfrif Trydar! #hunlyfr03/03/2016 Mr Lance Owen o’r Gwasanaeth Tan
Cliciwch yma am fwy o luniau |
Daeth Mr Lance Owen o’r Gwasanaeth Tan i’r ysgol i drafod diogelwch a phwysigrwydd cael larwm tan yn y ty. Cawsom Stori am Tanni a pha mor bwysig ydi dysgu ein cyfeiriad a chod post rhag ofn y byddwn ei angen mewn argyfwng.02/03/2016 Nel Del o Elusen Awyr Iach
Cliciwch yma am fwy o luniau |
Daeth Nel Del o Elusen Awyr Iach i’r ysgol heddiw i ddiolch i blant y Cyfnod Sylfaen am brynnu adnoddau gwerth chweil i Ystafell Chwarae Ward Dewi. Yn dilyn sioe Nadolig y plant fe benderfynodd y dosbarth y byddant yn dymuno i’r elw fynd at adnoddau i blant a oedd yn treulio amser ar Ward Dewi oherwydd gwaeledd. Llwyddwyd i gasglu £148 o bunnoedd ac roedd Nel Del wrth ei bodd gyda’r holl degannau. Gobeithio y bydd plant Ward Dewi yn mwynhau chwarae gyda’r tegannau newydd.01/03/2016 Dydd Gwyl Dewi
Cliciwch yma am fwy o luniau |
Bu disgyblion y Cyfnod Sylfaen wrthi yn brysur yn dathlu Dydd Gwyl Dewi drwy goginio bwydydd traddodiadol Cymreig, cawsom Gawl Cennin bendigedig a Chacenni Cri werth eu gweld. Rydym wedi cael mwynhad mawr o ddysgu am holl draddodiadau Cymru gan ddathlu dydd Gwyl ein Nawddsant.25/02/2016 Gwilym Bowen Rhys
Cliciwch yma am fwy o luniau a fideos |
Cawsom brynhawn o hwyl a chanu gyda’r amryddawn Gwilym Bowen Rhys, fe fu pawb yn canu hen alawon Cymreig yn barod ar gyfer perfformio yn y Pared Dewi Santy m Mhwllheli Dydd Sadwrn.29/01/2016 JAMBORI TAG
Cliciwch yma am fwy o luniau |
Bu disgyblion Bl 5 a 6 ym mhentref gwyliau Greenachers, Morfa Bychan fore Iau, Ionawr 20fed i weld rhai o sêr S4C yn perfformio a ffilmio Sioe Jambori Tag. Roedd yn fore, llawn hwyl, difyr dros ben yng nghwmni Owain, Mari, Anni, DJ Sal o’r rhaglen Stwnsh, yn ogystal â’r grwp pop ifanc ‘Storm’.15/01/2016 Tysgysgrif am sgiliau dŵr
|
Da iawn i bawb a gafodd dysgysgrif am eu sgiliau Dŵr.15/01/2016 Gwasanaeth Naomi
|
Daeth Naomi draw gyda stori ddifyr am Eliffant Llygoden a'i anturiaethau yn y tywydd mawr. Diolch am rannu neges bwysig gyda ni.11/01/2016 Tystysgrifau Presenoldeb Da
|
Da iawn bawb sydd wedi derbyn tysgysgrif am eu presenoldeb yn ystod tymor y Gaeaf!
|
18/12/2015 Diwrnod Siwmperi Nadolig
|
Roedd hi’n ddiwrnod Siwmperi Nadolig i gefnogi elusennau Achub y Plant, Gofal Cancr Macmillan a Text Santa. Fe roddodd pawb gyfraniad am wisgo eu siwmper a roedd teimlad Nadoligaidd iawn yn yr ysgol!17/12/2015 Cartref y Pwyliaid
|
Aeth criw o’r ysgol i Gartref y Pwyliaid ym Mhenros i canu a diddanu yn preswylwyr gyda chaneuon Nadoligaidd. Cafodd pawb fwynhad mawr o wrando ar y plant. Wesolych Świąt i bawb!16/12/2015 Diogelwch y Ffyrdd
|
Daeth Shirley, Swyddog Diogelwch y Ffyrdd draw atom i gyhoeddi ennillwyr y gystadleuaeth i ddylunio arwydd ar gyfer arwyddion ffordd newydd a fydd yn cael eu gosod ar y ffordd tu allan i’r ysgol yn y flwyddyn newydd. Dywedodd bod safon y ceisiadau yn uchel iawn a bod dewis ennillwyr wedi bod yn dipyn o sialens! Yn fuddugol oedd y plant yma, da iawn chi! Edrychwn ymlaen i weld eich gwaith ar y ffordd yn fuan!16/12/2015 Cinio Nadolig
Cliciwch yma am fwy o luniau |
Cawsom ginio Nadolig bendigedig o Dwrci rhost, tatws, moron, ysgewyll, panas a phys gan Anti Susan a mins pei hyfryd i bwdin. Diolch i Anti Susan, Anti Iona ac Anti Rose am eu gwaith drwy’r flwyddyn! 15/12/2015 Sioe Nadolig Cyw
|
Cafwyd prynhawn gwerth chweil yn nghwmni Cathryn, Huw, Ben Dant, Dona Direidi, Sbarc a Cyw yn Sioe Nadolig Cyw. Roedd pawb ar eu traed yn canu a dawnsio.14/12/2015 ‘Y Goeden Nadolig’
|
Cafwyd Sioe Nadolig werth chweil gan blant y Cyfnod Sylfaen gyda phawb yn gwneud ei gorau glas. Perfformiwyd Sioe ‘Y Goeden Nadolig’ ac fe ddysgodd pawb am hud y Nadolig Cyntaf. Fe fydd elw raffl a thocynnau y noson yn mynd i brynu tegannau ac adnoddau ar gyfer Ystafell Chwarae i blant ar Ward Dewi, Ysbyty Gwynedd.14/12/2015 Gwasanaeth Nadolig Cyfnod Allweddol 2
|
14/12/2015 Eglwys Botwnnog – Taith i Fethlehem
|
Bu disgyblion blynyddoedd 2 a 3 yn gwrando ar gyflwyniad stori’r geni drwy law yr Eglwys Anglicanaidd yn yr eglwys ym Motwnnog. Braf oedd cael rhannu’r profiad gyda disgyblion ysgol Foel Gron.14/12/2015 Diddori yr henoed
|
Cafodd disgyblion yr ysgol gyfle i rannu eu gwasanaeth Nadolig gyda thrigolion Dolwar yn y cartref a thrigolion Plas Hafan yn nhafarn y Llong. Roedd pawb wrth eu boddau yn gwrando a chael sgwrs fach gyda’r plant.14/12/2015 Plas Glyn Y WeddwCafodd ffrindiau Y Plas gyfle i wrando ar y plant yn perfformio eu carol Nadolig yn ystod eu cinio Nadolig blynyddol. Dydd Sul, Rhagfyr y 13eg, bu rhai o’r plant yn perfformio yng nghyngerdd carolau Y Plas yng nghwmni Ann Hafod, Seimon Menai a Band Pwllheli. |
14/12/2015 Ymweliad P.C Owen
|
Daeth P.C Owen at flynyddoedd 3 a 4 i drafod pwysigrwydd dangos cyfeillgarwch tuag at bawb ac fod pawb pawb yn gyfartal.04/12/2015 Bedydd Ffug |
04/12/2015 Clwb Recorder |
04/12/2015 Bocsys Nadolig |
04/12/2015 Y Clwb Coginio |
04/12/2015 Canu Carolau yn Abersoch |
13/11/2015 Plant Mewn Angen |
12/11/2015 Portmeirion Cliciwch yma i weld mwy o luniau |
02-04/11/2015 Plas Glyn y Weddw Cliciwch yma i weld mwy o luniau |
26/10/2015 Sialens yr Haf |
16/10/2015 Diwrnod Shwmae Sumae |
02/10/2015 Taith Gerdded Yr Wyddfa |
30/09/2015 Y Brodyr Gregory |
Daeth y Brodyr Gregory i’r ysgol gyda Ted Taclus ac Eli Eco i’n diddori gyda chaneuon a dawns am Arbed, Ailddefnyddio ac Ailgylchu. Cawsom brynhawn wrth ein bodd o ganu a mwynhau. Daeth y Cynhorydd Angela Russel atom hefyd i ymuno yn yr hwyl. 29/09/2015 Clwb Cadw’n Heini |
Mae disgyblion Cyfnod Allweddol 2 wrthi yn brysur yn cadw yn heini yn y clwb ar ôl ysgol. Maent wedi mwynhau amrywiaeth o weithgareddau gyda phawb yn chwys domen ac yn wen o glust i glust ar ddiwedd bob sesiwn!28/09/2015 Paid cyffwrdd dweud |
Daeth Libby, Stuart a Timi y parot o gwmni ‘Paid Cyffwrdd Dweud’ atom i roi sioe hud a lledrith werth chweil i’n hatgoffa o beryglon hylifon a meddygyniaethau a all fod o gwmpas y ty. Cafodd pawb fwynhad mawr o’u gwylio yn gwneud triciau gan ddysgu gwers bwysig iawn.28/09/2015 Gwasanaeth Nia o Coleg y Bala |
Daeth Nia atom a chynnal gwasanaeth llawn hwyl a chanu, daeth Lewis heibio hefyd i rannu hanesion ei helyntion. Braf iawn oedd gweld Nia eto, brysiwch yn nol yn fuan!28/09/2015 Jam Poeth |
Yn dilyn ein prynhawn o gasglu mwyar duon cawsom ddysgu gan Anti Carys sut i wneud jam gyda’n ffrwythau blasus. Roedd yn rhaid i ni baratoi y ffrwythau a chael gwared o unrhyw bryfaid bach ac yna eu pwyso cyn eu berwi ar y tân. Bu pawb wrthi yn creu label a gorchydd unigryw i’w potyn ac aeth pot adref i gartref pawb i’w rannu gyda’r teulu.28/09/2015 Clwb Coginio |
Mae ein clwb coginio yn parhau i fod yn boblogaidd iawn gyda phawb yn mwynhau creu bwydydd blasus a maethlon. Roedd pawb wrth eu boddau yn gwneud pitsa llysiau lliwgar a chrymbl afal blasus.28/09/2015 Casglu mwyar duon |
Fel rhan o’n gwaith themau y tymor hwn fe aeth y dosbarth o gwmpas tir yr ysgol ac ar hyd llwybr cyfagos i gasglu mwyar duon. Cafodd pawb brynhawn bendigedig wrthi yn brysur yn casglu mwyar duon ac roedd ambell i dafod a llaw biws erbyn amser mynd adref!21/09/2015 Presenoldeb Gwych!
|
Llongyfarchiadau mawr i griw am lwyddo i gyrraedd targed presenoldeb yr ysgol o 95% yn 2014-15 ac i un ferch am gael presenoldeb arbennig o 100%. Gwych!21/09/2015 Tystysgrifau
|
Llongyfarchiadau i'r plant sydd wedi derbyn tystysgrif Newyddion Da yr wythnos hon. Da iawn chi!08/07/2015 Glan Llyn
|
Cafodd pedair geneth o flwyddyn 5 gyfle i fwynhau dau ddiwrnod o brofiadau a gweithgareddau amrywiol yng Ngwersyll Glan LLyn ar yr 8ed o Fehefin. Cawsant ddyddiau prysur dros ben ar y cwrs rhaffau, wal ddringo, adeiladu rafft, caiacio a saethyddiaeth, gan wneud ffrindiau newydd gyda disgyblion Ysgolion Nefyn a Phentreuchaf.07/07/2015 P’nawn Hwyl FawrMwynhawyd prynhawn llawn hwyl yn yr ysgol i ffarwelio â disgyblion Blwyddyn 6. Yng nghanol miri’r prynhawn bu tri tŷ yr ysgol Henllys, Pedrog a Cwmwd yn cymryd rhan mewn gweithgareddau cystadleuol allan ar yr iard, gyda Henllys yn dod i’r brig. Yn dilyn hyn bu disgyblion blwyddyn 5 a 6 yn gweithio’n galed wrth eu stondinau amrywiol yn gwerthu cacennau, peintio wynebau ac ati. |
02/07/2015 Taith Gerdded
Diolch i bawb a ymunodd â ni ar ein taith gerdded flynyddol i lan y mor Ty’n Tywyn. Roedd criw arbennig o dda wedi ymgynnull yn yr ysgol i fynd ar y daith. Cafwyd lluniaeth ysgafn ac amser i gymdeithasu a chwarae ar lan y mor cyn cychwyn am adref.
15/06/2015 Criced
Rydym yn falch iawn dîm criced yr ysgol yn llwyddiannus mewn cystadleuaeth ym Modegroes gan fynd drwodd i’r rownd derfynol ar y 23ain. Yn ogystal, enillom y gwpan ‘Cricket Spirit’ gan eu bod wedi chwarae yn arbennig o dda fel tîm ac ymddwyn mor fanesol tuag at aelodau o’r timau eraill. Da iawn chi, gwych!
01/06/2015 Mewn Cymeriad
Cafodd disgyblion Cyfnod Allweddol 2 gyfle i ymuno mewn sioe hwyliog ‘Mewn Cymeriad’ gyda un o'r teithwyr, William Jones ar ei siwrnai i Batagonia yn 1865. Cafodd y plant eu cludo yn ôl mewn amser i brofi caledwch bywyd yng Nghymru yn 1865; clywyd am obaith mawr cynllun Michael D. Jones; profwyd hwyl a'r trasiedi ar fwrdd y Mimosa, yn ogystal â'r realiti oedd yn ei disgwyl y Cymry truenus ar lannau Patagonia. Daeth yr hanes yn fyw ac fe gafodd pawb fwynhad mawr.
20/05/2015 Plas Glyn Y Weddw – Arddangosfa Patagonia 150
Bu disgyblion Cyfnod Allweddol Dau ym Mhlas Glyn y Weddw yn gweld yr arddangosfa sydd yn dathlu canrif a hanner ers i’r ymfudwyr cyntaf gyrraedd y Wladfa ym Mhatagonia. Gwelwyd gwaith Luned Rhys Parri a fu ar ymweliad a Phatagonia yn ddiweddar, ynghyd a gwaith gan chwech o artistiaid eraill yr Oriel. Cafodd pawb gyfle i ymchwilio i nodweddion, enwau gywybodaeth Gymreig o fewn y lluniau drwy lenwi cwis ar y thema Patagonia.
19/05/2015 Priodas Ffug
Cafwyd diwrnod i’w gofio mewn priodas ffug yn Eglwys Sant Pedrog. Bu blynyddoedd tri a phedwar wrthi’n brysur yn trefnu cyn y diwrnod mawr, gwneud cardiau, gwahaoddiadu, trefn y gwasaneth, astudio a gwrando ar gerddoriaeth addas. Y Parchedig Andrew Jones fu’n gwasanaethu gyda Mrs Shirley Pritchard ar yr organ. Bu cryn llythyru ac e-bostio ymlaen llaw er mwyn gwneud yn siwr fod popeth yn berffaith ar gyfer diwrnod mawr Leus a Max. Roedd y wledd yn un fythgofiadwy, cinio rhost agn Anti Susan a chacennau bach wedi eu gwneud gan y plant.
18-20/5/15 Trip Caerdydd Blwyddyn 6
Mwynhaodd plant Blwyddyn 6 dridiau gwerth chweil yn y brifddinas yng nghwmni cyfoedion o ysgolion Nefyn, Sarn Bach, Pentreuchaf a Chwilog. Arhosom yng Nghanolfan yr Urdd yng Nghanolfan y Mileniwm a buom Nhechniquest, Stadiwm y Mileniwm, sinema, pwll nofio, Amgueddfa y Glannau yn ogystal â mwynhau profiad a hanner ar gwch cyflym ym Mae Caerdydd a bwyta hufen iâ Cadwaladers neu ddau, neu dri . . . !
29/04/2015 Pili Palas
I gydfynd â gwaith ar thema Yr Ardd, bu plant y Cyfnod Sylfaen yn Ynys Môn yn ymweld â Pili Palas. Yno roedd cyfleoedd i ddysgu am gylch bywyd y pili pala ynghyd â chreaduriaid eraill yr ardd. Cawsom ddiwrnod arbennig, llawn hwyl ac antur.
23/4/15 Taith Gerdded yr Wyddfa
Llwyddodd plant Blwyddyn 5a6 i gerdded yr holl ffordd i gopa’r Wyddfa, i fyny Llwybr y Pyg ac i lawr Llwybr Cwellyn. Cawsom ddiwrnod i’r brenin; yr haul yn gwenu, y golygfeydd yn odidog a phob copa walltog yn ymderchu yn galed a di-lol hefo gwên ar eu wynebau yn benderfynol o lwyddo yn yr her. Da iawn chi i gyd, dipyn o gamp!
